Fandom

Interlingua Wiki

Curso de conversation in Interlingua/PARTE III Section 1 Scena 3

< Curso de conversation in Interlingua

9 807paginas in
iste wiki
Add New Page
Discussion0 Share

Petro vade al officio de Alan Tanner. Ille dice que ille debe trovar un receptionista/secretaria, e ille volerea saper si Alan poterea adjuvar le con le problema.

Alan suggere manieras differente pro initiar un cerca. Quanto a cercar un nove appartamento, il pare que un certe persona mysteriose jam ha resolvite iste problema pro Petro.

---

Petro: Senior Tanner? Alan?

Tanner: Oh, bon die, Petro. Entra.

Petro: Gratias. Ascolta, io ha besonio de vostre adjuta.

Tanner: Multo ben. Que pote io facer pro vos?

Petro: Il ha duo cosas, pro dicer le veritate.

Tanner: Si?

Petro: Primo, nos ha besonio de un secretaria/receptionista.

Tanner: Ah, un persona qui pote responder al telephono e scriber alcun letteras, etc.

Petro: Si, exactemente.

Tanner: Un secretaria bilingue? Trilingue?

Petro: Ben, le anglese es le plus importante, postea le francese. Naturalmente a vices le germano poterea esser utile.

Tanner: Si. Vos vole un homine? Un femina?

Petro: Il non ha alcun importantia, ma probabilemente il essera un femina. Lo que nos vole es un bon secretaria con bon qualificationes.

Tanner: Multo ben. Primo io va consultar nostre servicio de personal. Il ha etiam un agentia. E, naturalmente, on anque pote publicar un annuncio parve in le jornales. Ma esque vos vole alcuno rapidemente?

Petro: Si, le plus tosto possibile.

Tanner: Multo ben. Qual esseva le secunde cosa?

Petro: Le altere cosa es un appartamento pro me.

Tanner: Ma io credeva que vos jam habeva un appartamento.

Petro: No. Io vive nunc in un hotel. Io vole trovar un appartamento, e Catherina me ha dicite que vos poterea adjuvar me con iste problema.

Tanner: Si. Nos ha un officio de allogiamento, ma io crede que io videva alque indicante que vos jam ha un appartamento.

Lassa me telephonar a Chambon. Un momento. (Usante le telephono) Senior Chambon, per favor. Si? Ille non es illac. Ben. Io es le senior Tanner. Io es con le senior Minelli. Ille ha besonio de un appartamento et ... si? Ah, si, io anque lo credeva. Gratias.

Chambon non es in su officio, ma le femina con le qual io parlava diceva que illa es confidente que il ha un appartamento pro vos. Duo appartamentos, in le mesme etage. Alcuno in Strasbourg ha arrangiate toto.

Petro: Alcuno in Strasbourg?

Tanner: Si.

Petro: Duo appartamentos?

Tanner: Si. Vostre associate ...

Petro: Oh, que pesta!

Tanner: Pardon?

Petro: Excusa me. Esque io pote vider le senior Chambon?

Tanner: Si. Ille va retornar a su officio in dece minutas. Ille es in le officio quatro centos dece-un.

Petro: Io va vader a illac pro vider le.

Tanner: Multo ben. Tosto io comenciara trovar pro vos un secretaria.

Petro: Gratias mille vices.

Tanner: Il es un placer.

EXERCITIO 3: Questiones corteses:

Guida: Que nos ascolta iste conversation amical.

Un homine: Como vade toto?

Un femina: Multo ben, gratias. E vos, como sta?

Un homine: Multo ben, gratias. Toto va ben?

Un femina: Si, gratias. Toto va ben. Como va le affaires?

Un homine: Oh, non mal. Toto va como sempre. Troppo travalio, nunquam assatis moneta, como sempre. Ma como va le affaires pro vos?

Un femina: Assatis ben. Nos non ha multo a facer durante iste periodo del anno. Como sta vostre familia?

Un femina: Toto va ben con illes. E como sta vostre chef?

Un homine: Oh, ille va ben. Ille es multo preoccupate in iste momento.

Guida: Isto me pare assatis facile. Petro voleva clarificar le historia de su appartamento. Que nos vide le proxime cosa que le confronta:

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Altere sitos de Wikia

Wiki aleatori