Fandom

Interlingua Wiki

Curso de conversation in Interlingua/PARTE III Section 2 Scena 5

< Curso de conversation in Interlingua

9 807paginas in
iste wiki
Add New Page
Discussion0 Share

Le officio de Geneva de Marex Mundial: Catherina ha reunite omne le membros de su equipa pro introducer le unes le alteres

Durante que illes attende que le ultime duo personas arriva, Catherina da un lettera a Petro. Illo veni de Alicia, qui passa alcun dies feriate in le Costa Brava. Illa vole communicar a Petro lo que illa ha facite pro lor transferimento a Geneva. Petro deveni mesmo plus irritate quando ille lege isto.

Catherina interrumpe su murmures pro introducer le a duo collegas nove sue, qui justo ha arrivate.

---

Catherina: Bon matino, Petro.

Petro: Bon die.

Catherina: Ascolta, omne le membros del equipa ha arrivate. Olivero e Martijn ha arrivate, ...

Petro: Ben.

Catherina: ... e io vole facer introductiones inter omne vos.

Petro: Un excellente idea.

Catherina: Oh, Petro, il ha un lettera pro vos.

Petro: Un lettera? Vermente?

Catherina: Si. Illo veni de Alicia.

Petro: Gratias. (legente le lettera de Alicia" "Solmente alcun poc lineas del Costa Brava ubi io ha passate alcun excellente dies feriate. Le tempore es multo belle, e omnes es multo sympathic." Excellente! Perfecto! Proque non resta tu illac?

Catherina: Que diceva vos?

Petro: Nihil. Io solmente legeva le lettera de Alicia. "Io spera que vos non ha habite alcun problemas grande durante mi absentia, e que il non habera troppo travalio pro me quando io retornara. Intertanto, io ha organisate nostre transferimento a Geneva, e io ha inviate un telex a illes con le instructiones que illes nos reserva duo appartamentos." Ille femina es intolerabile! Illa vole diriger tote mi vita como si illa esseva mi matre!

Catherina: Bon novas?

Petro: Pardon?

Catherina: Vostre lettera, esque illo apporta bon novas a vos?

Petro: No, ma il es vermente de nulle importantia.

Catherina: Illo es longe, vostre lettera.

Petro: Si, assatis longe.

Catherina: Eh ben?

Petro: Eh ben, que?

Catherina: Fini le lettera.

Petro: Multo ben. (legente le lettera de Alicia) "Nos nos revidera multo tosto. Non vos inquieta. Toto vadera multo ben post que io arrivara a Switza. Alicia." Io non sape como, ma io debe tosto trovar un maniera de disembarassar me de ille femina. Illa essera mi ruina!

Catherina: Petro, Petro.

Petro: Si?

Catherina: Io vole presentar a vos le alteres in le equipa. Nos omnes es hic in iste momento. Ecce Petro Minelli. Ille es nostre specialista in ingenieria. Ille pote dicer a nos si un projecto es facibile o non.

Petro: Al minus io lo spera!

Catherina: E ecce Olivero Rossi, nostre contabile. Ille veni del officios executive de Trans Infra. E ecce Martijn Ockrent. Ille es responsabile pro nostre affaires de marketing, ben que ille veni del departimento juridic de Trans Infra.

Pro nostre strategia de marketing, il es importante haber qualcuno qui sape alque sur le derecto international, e Martijn ha un forte cognoscentia
in le duo campos.

E ecce Liliana, mi assistente. Illa se occupara de omne le detalios administrative. Ecce toto. Io spera que omne nos travaliara harmoniosemente e que nostre projecto essera un grande successo. Io non solmente spera isto, ma io es confidente que toto vadera completemente ben.

EXERCITIO 5: Presentationes.

Guida: Ben. Io volerea plus practica con le diverse formas de presentar se e de presentar un persona a un altere persona.

Un homine: Bon die. Mi nomine es Byson, Paul Byson. E illac, il pare que il ha alcuno del Sociedate Amerex de Mexico. Que nos vade a illac pro parlar con ille. Io crede que su nomine es Garcia, Mario Garcia. Ille travalia in lor departimento de marketing. Bon die. Mi nomine es Byson, Paul Byson.

Un femina: Multe placer. Mario Garcia.

Un homine: Incantate. Io es del compania Rodea Fratres, de Milano. Io travalia in lor servicio de venditas.

Un femina: Io es Gertrude Johnson del compania American Xerox, e io travalia in lor officios in Berlin.

Un homine: Multo felice de facer vostre cognoscentia. Permitte me introducer a vos mi amico Robert Garnier de Paris.

Un femina: Bon die, Robert.

Un homine: E ecce Hubert La Salle. Ille es un de mi collegas. Nos travalia in le mesme departimento de Rodea Fratres.

Un femina: Incantate, Hubert.

Guida: Ben. Io comprende melio. Ma io etiam nunc ha difficultate con le pronunciation exacte del nomines in le linguas europee que io non cognosce. Que nos retorna nunc pro vider como va le cosas con Catherina e su nove equipa.

..............................

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Altere sitos de Wikia

Wiki aleatori