Curso de conversation in Interlingua/PARTE IV Section 1 Scena 2

Le officios de Geneva: Petro interviewa Francesca pro le position de secretaria. Ille comencia per offerer un caffe a illa, e postea ille comencia su questiones.

Primo ille vole saper lo que illa face in iste momento, como illa usa su linguas, qual es su velocitate como stenographo, qual es su velocitate in dactylographia, e si le dactylographia place a illa.

Finalmente, ille la demanda si a illa place travaliar independentemente e proque illa vole un position nove. Petro alora dice gratias a illa e la informa que illes la notificara al fin del septimana.

---

Francesca: Vos permitte que io entra? Petro. Si. Entra.

Francesca: Eh, io es Francesca Cardano.

Petro: Ah si. Entra.

Francesca: Io ha un appunctamento pro un interview con le senior Petro Minelli a dece-un horas trenta. Il es pro le position de secretaria.

Petro: Si, io comprende. Io es Petro Minelli.

Francesca: Ah, si. Io veniva un poco ante le tempore.

Petro: Un poco, si. Ma il non es importante. Vos pote seder vos hic, si vos vole.

Francesca: Gratias.

Petro: Io ha vostre lettera hic. Si, ecce lo. Esque vos vole un tassa de caffe ante que nos comencia?

Francesca: Si, multe gratias.

Petro: Illo es vermente excellente, iste machina. Io prefere facer mi proprie caffe io mesme. Io habeva un cafetiera electric multo bon, ma io lo ha perdite. Esque vos vole un poco de lacte? De sucro?

Francesca: No, gratias. Io lo prende nigre. Petro: Ecce lo. Francesca: Gratias.

Petro: Alora nos pote comenciar. Qual es vostre situation in iste momento?

Francesca: Io es le secretaria de un director de servicio de marketing.

Petro: In vostre lettera vos dice que vos parla ben le anglese e le germano un poco e etiam le espaniol.

Francesca: Si, exactemente.

Petro: Como usa vos omne iste linguas?

Francesca: Eh ben, le compania pro le qual io travalia in iste momento ha clientes de nationalitates differente, e omne iste linguas es utile pro me.

Petro: Obviemente. Io comprende. Qual es vostre nivello como stenographo e vostre velocitate in dactylographia?

Francesca: In le dactylographia io pote facer octanta parolas per minuta. Como stenographo, io face octanta, ma io non lo usa multo. In le officio ubi io travalia nunc on usa machinas a dictar.
Petro. An vos place dactylographiar?

Francesca: Io non lo face multo sovente proque in le officio ubi io travalia nunc il ha un equipa de dactylographos.

Petro: E esque vos pote travaliar sol le plus parte del tempore?

Francesca: Si. Io mesmo prefere travaliar assi si io pote. In iste momento, io face le major parte de mi travalio completemente sin supervision.

Petro: Io non vole dicer solmente travaliar de un maniera independente. Io parla de esser le sol persona presente in le officio.

Francesca: Io non sape. Io nunquam ha essayate iste typo de travalio. Io sempre ha travaliate in officios grande.

Petro: Ma pensa vos que vos poterea travaliar in un officio parve como iste sin difficultate?

Francesca: Io non crede que un tal ambiente me molestarea. Ma il certemente esserea differente pro me.

Petro: Que sape vos sur le transportos urban?

Francesca: Pardon?

Petro: Que sape vos del sector industrial? Le sector de transportos.

Francesca: Pro dicer le veritate, io non sape multo sur illo.

Petro: E que attraheva vos verso iste typo de compania? Io volerea saper le ration proque vos vole reimplaciar le position que vos nunc occupa per isto.

Francesca: Eh, ben. Mi chef va via. E le proxime persona qui va occupar su position jam ha su proprie secretaria. Illes poterea mover me a un altere position, ma a un nivello inferior. Il es a causa de isto que io ha decidite cercar un altere position.

Petro: Io comprende. Multo ben. Multe gratias, senioretta.

Francesca: Gratias.

Petro: Nos vole arrivar a un decision final rapidemente, e io crede que nos potera dar a vos un responsa verso le fin del septima.

Francesca: Multo ben.

Petro: Eh, ben. Nos vos contactara quando nos ha facite nostre decision.

Francesca: Multe gratias. Al revider.

Petro: Al revider.

EXERCITIO 2: Interviews:

Guida: Il me pare que iste senioretta esseva bon, non lo crede vos? Ante continuar con nostre historia, io vole audir un altere vice le typo de questiones que on face durante un interview.

Homine 1 Demanda a ille su nomine.

Un femina: Qual es vostre nomine?

Homine 2: Eric Jensen.

Homine 1: E su etate.

Un femina: Qual es vostre etate?

Homine 2: Io ha trenta annos.

Homine 1: E su nationalitate?

Un femina: De ubi es vos? Qual es vostre nationalitate?

Homine 2: Io es danese, de Copenhagen.

Homine 1: Demanda a ille quales es su qualificationes.

Un femina: Quales es vostre qualificationes? Qual diplomas o certificatos possede vos?

Homine 2: Io ha un certificato de studios commercial.

Homine 1: Demanda a ille quante tempore ille ha studiate.

Un femina: Durante quante tempore ha vos studiate?

Homine 2: Duo annos.

Homine 1: Demanda a ille ubi ille ha studiate.

Un femina: E ubi ha vos facite vostre studios?

Homine 2: In un instituto de technologia.

Un femina: Vostre qualificationes alora es un certificate de studios commercial, duo annos in un instituto de technologia.

Prime homine: Demanda a ille qual es su experientia.

Un femina: Que ha vos como experientia? Quante tempore ha vos travaliate?

Secunde homine: Io ha tres annos de experientia in le affaires.

Prime homine: Demanda a ille qual es le travalio que ille nunc face.

Un femina: Qual es le travalio que vos nunc face?

Secunde homine: In iste momento, io non ha alcun travalio. Io es disempleate.

Prime homine: Demanda a ille qual esseva su previe position.

Un femina: Ben. Que typo de travalio faceva vos in vostre ultime position?

Secunde homine: Io travaliava in le assecurantia. Io esseva un empleo de officio.

Prime homine: Demanda a ille quante tempore ille ha facite iste travalio?

Un femina: Quante tempore ha vos facite iste travalio.

Secunde homine: Tres annos.

Prime homine: Demanda a ille si ille parla altere linguas.

Un femina: Esque vos parla altere linguas?

Secunde homine: Le anglese que io ha apprendite in le schola e le germano.

Un femina: Ben, gratias. Tosto io va communicar a vos nostre decision.

Guida: Il nunc es le hora del prandio. Catherina e Petro nunc mangia in un café in le area de lor officio.

...............................