Le pueros qui incontrava le trolls in le silvas de Hedalen[]
per Osmund Knutson Aukland[]
Imagine:Trolls_1.gif
In Vågå in Gudbrandsdalen (Valle de Gudbrand) in dies passate, il habeva un homine e su marita qui esseva ver povre. Illes habeva plure infantes, e duo de lor filios, qui esseva adolescentes, debeva ir e venir in le vicinitate e al extero e precar e mendicar pro superviver. Dunque illes ben sapeva omne vias e sentieros , e anque le via directissime a Hedalen (Valle Alte).
Un vice, illes decideva ir la. Ma illes habeva audite que un trappator de falcones habeva erigite un cabana in Mela, e illes desirava vider le aves e apprender como trappar los. Assi illes seligeva le sentiero trans le mariscos longe. Ma il esseva tarde in le autumno e le feminas qui gregava le vaccas in le montanias habeva retornate a lor fermas in le valles. Assi illes poteva obtener ni albergo ni alimento.
Dunque illes prendeva le cammino directe a Hedalen. Ma le cammino esseva stricte e pauco clar, e in le crepusculo del vespere illes se disviava, e illes non trovava le cabana del trappator. Subito illes se trovava in le obscuritate del silva a Bjolstad. Quando illes comprendeva que il esseva impossibile continuar trans le silva in le tenebras, illes colligeva brancas e folios pro facer un albergo primitive pro le nocte. E con ericas e musco pro lecto illes se addormiva.
Subito illes se eveliava. Alicuno o alicun essere spiava e murmurava. Le pueros prestava attention e ascoltava. Esque il esseva un animal o un troll? E alora un voce:
”Io senti le odor del sanguine de homines christian!”
E alora le terra tremeva, e le pueros comprendeva que le esseres esseva trolles.
”Que Deo nos adjuta, que facer ora?” le puero minor diceva a su fratre.
” Sta sub le arbore la, e sia preste a prender le duo saccos e currer a in le silva quando tu los vide apparer. Io prende nostre hacha.” le altere respondeva.
In le mesme momento illes videva le trolles approchar, e le trolles esseva si grande e enorme que lor capites esseva al altitude del summitates del arbores. Ma illes possedeva in commun sol un oculo. E illes cambiava inter se le possession de iste oculo. Illes habeva un cavo in lor capites, ubi illes poneva le oculo. Illes lo dirigeva con le mano. Le un qui guidava le alteres debeva esser le un qui lo utilisava, e le alteres le sequeva e teneva le mano de un precedente.
”Curre!” diceva le grande fratre. ”Ma non va plus lontano! Observa como il se disveloppa. Illes porta le oculo si elevate que illes non pote vider me si io les approcha ab detra.”
Imagine:Trolls_2.gif
E le fratre minor curreva ante le trolles, e illes le sequeva. Le fratre grande sequeva le trolls e secava le ultime troll con su hacha. Le troll critava, e le troll in le fronte habeva terror e saltava e perdeva lor oculo. E le puero lo attrapava. Le oculo esseva si grande como un platto, e si clar que non obstante il esseva nocte e obscur, on poteva vider in le oculo como in le lumine del medie die.
Quando le trolles comprendeva que ille ha prendite su oculo, e que ille ha secate le un, illes reprimendava le pueros, les malediceva e les menaciava, dicente le mal que illes va colpar si le pueros non retorna le oculo.
”Io time ni trolles ni maledictiones” le grande puero diceva. ”Ora io ha tres oculos, e vos non ha un, e duo de vos debe portar le tertie.”
”Si nos non recipe nostre oculo immediatemente, tu essera cambiate a ligno e petra!” critava le trolls.
Ma le puero manteneva que il non habeva haste. Ille timeva ni fanfaronas ni trolls. Si illes le non lassa haber pace, ille va facer les reper al terra como vermes e reptiles. Quando le trolles ce ascoltava illes habeva terror, e illes commenciava parlar suavemente. Si ille va retornar le oculo le trolles va donar les auro e argento e qualcunque cosas que illes desirava.
Le puero considerava le offerta acceptabile, ma ille insisteva a haber le auro e le argento ante retornar le oculo. Si un de le trolles retornara a lor montania pro reportar auro e argento a plenar lor saccos e anque duo arcos de ferro, le pueros va retornar lor oculo. Ma ille les non voleva retornar lo previemente.
Le trolles se plangeva e querelava, e illes manteneva que illes non pote retornar al casa proque illes non ha le oculo pro vider le via. Ma un del trolles commenciava critar a lor marita, proque illes habeva un marita insimul. E un voce crita un responsa de un montania al nord. Le trolles crita que illa debe portar duo situlas con auro e argento e anque duo arcos de ferro, e illa deberea arrivar prompte, immediatemente.
Quando illa audiva ce que ha evenite, illa commenciava maledicer e menaciar le pueros e voleva usar trollemagia contra illes.
Ma le trolles habeva terror e precava que illa se calma. Si non, illes timeva que le pueros pote prender anque su oculo. Alora illa jectava le situlas con auro e argento e le duo arcos de ferro al pueros e curreva al montania con su tres trolles. E post iste tempore on non ha audite que le trolles in le silvas de Hedalen ha aspirate pro sentir le odor del sanguine de homines christian.
Imagine:Trolls_3.gif