FANDOM


Plus san con plus alimento crude! Modificar

-

Jam le medico famose del ancian grecos lo sapeva:

Vos medicina sia vos alimento e vos alimento sia vos medicina! Hippocrates


Contento:

  • Alimento crude – nutrition primari del homine!
  • Nos nos mange malade!
  • Alimento crude = alimento potente!
  • Que effectua un cambio del nutrimento?
  • De ubi recipe io mi proteina?
  • Como coperi io mi besonio de calcium?
  • Como profita le animales e le ambiente?
  • Ha le plus grande quota del alimento crude un effecto al fame in le mundo?
  • E illo functiona assi simple!
  • Como comencia io?
  • Importantissimo: Movimento regular/periodic - illo supporta le alimento crude!
  • Como pote io informar me?


Alimento crude – nutrition primari del homine!

Tote le esseres vivente a tote le mundo se nutriva ab le initio del mundo de nutrition natural secundo lor specie, i.e. de alimento crude.

Solmente le homine, vivente in commun con su animales domestic (e de isto ille anque nutri obligatorimente su animales domestic assi, illos, totevia, imponite [per le fortia]), como p. ex. can e catto, se nutri intertanto de nutrimento calefacite respectivemente facite industrial.

Per isto le valor sanitari del nutrimento es considerabilemente reducite. A isto se adjunge un reduction del valor per le crescente manufactura como anque le carga con materia nocive o carga chimic del nutrimentos.

In respecto al nutrition le ultime cento annos causava revolvente cambiamentos como nunquam antea – in un spatio de tempore multo breve in relation al tote historia del evolution del homine (minus que 100 annos a plus que 1'000'000 annos)!

Pro exemplo, circa le anno 1900 esseva ancora mangiate quotidianmente circa 100 gramma materia de ballast con le nutrition, intertanto le quota del materia de ballast es solmente 10 a 15 gramma. Geneticamente nostre organismo non es adaptate al nutrimento de civilisation (laborate e calefacite) . Isto jam es provate sol per le costas de maladia!


Nos nos mangia malade!

Nos mangia troppo dulce, troppo grasse, troppo salate, troppo veloce (de isto sin masticar a fundo), troppo proteina animal, troppo pauc materia de ballast e ... troppo pauc nutrimento crude.

Cata tractamento con calor, si cocer, friger etc., reduce le valor physiologic del nutrimento (calefaction per medio de microunda intervene ancora plus profunde in le structura molecular del nutrimento!).

Con temperaturas de plus que 42 °C jam es destruite le enzymas, le “candelas de accendimento” del metabolismo. Con le coction de viveres mesmo es destruite plus que 85 % del valor nutritive. Le perdita de vitaminas e anque materias de aroma, que es sensibile al calor, es considerabile.

Materias de ballast (fibrina), que existe solmente in plantas, pote perder 80 % de lor effecto per calefacer. Le minerales vital in le nutrimento crude, que es ligate organicamente, deveni inorganic per le processo de calefaction e de isto inutilisabile. Le viveres (= medios pro le vita) deveni dunque “medios de replenamento”!

Un nutrimento predominantemente tractate con calor non es suffice pro le mantenimento del sanitate! In plus, illo es basate a cereales e productos animal e de lacte, ambes ric de grassia e de proteina, e de isto un nutrimento extrememente unilateral e povre de vitaminas. A isto se adjunge que ante toto cereales e productos animal (carne, pisce, lacte, e omne productos ex illos) fortemente super-acidifica e scorifica nostre corpore.

Le balancia de acido e de base deveni disturbate.

Como hodie habitual, per super-consumo de calefacite nutrimento acido-excedente respectivemente acido-producente (productos animal e de lacte, cereales, sucro, caffe, the nigre, succos comprate, soft-drinks, alcohol, ...), minerales de base (= non-acido) mesmo es extrahite del corpore, inter alteres calcium, kalium e magnesium!

Fallimento del metabolismo e numerose maladias de civilisation, como maladias del circulation, cancere, rheumatismo, allergias, diabetes, superpeso, affection de petras, caries e osteoporose es le consequentia. Le addition al nutrimento de sal, condimento, reinfortiamentos de sapor e altere aromas artificial non restabli le plen qualitate originari del viveres!

Nutrimentos frigorificate (a temperaturas plus basso que -18 °C), anque legumines crude frigorificate, que es propagandisate como lassate natural, normalmente es private de su naturalitate, e proque illos per isto ha devenite diminuite in lor gusto o mesmo ha perdite lor gusto, illos deveni corrigite per le artificial addition de meterias aromatic, reinfortiamentos de gusto, materias de color e alteres plus) assi que illos frauda le palato (gusto) e recipe de novo un belle apparentia, pro seduce le comprator al compra de iste merce, via del ver productos natural.


Alimento crude = alimento potente!

Pro le nutrition san nos besonia aqua pur assi como materias nutritive e materias vital in un quantitate e combination sufficiente.

Hic vale: "Quanto natural nostre nutrimento es, tanto plus integral es le valor e tanto plus san es isto".

Plantas, fructos, nuces, semines e germines, mangiate como alimento crude, illos nos forni ancora omne materias vital e stimulante le sanitate in connexion natural e illos nos provide con le concentrate energia del sol.

Illos es ancora viveres genuin. In particular, le herbas crude, que es ric de chlorophylla(*) e materias vital, illos es multo melio como mesmo plantas cultivate ecologicamente, illos es de prime classe!

(*) Chlorophylla, le verde colorante, es un del melior medios al formation e purgation del sanguine respective al reinfortiamento del systema immun.


Le alte quota de active materia de ballast in le alimento crude abbrevia le passage trans le intestino, liga materias nocive e contribui al reduction del speculo de sucre e cholesterol.

Le ricchessa de base neutralisa acido e tene liquide le sanguine e le lympha.

A causa de lor densitate del materia nutritive e vital – vos deveni satiate con multo minus nutrimento – le alimento vegetal fresc face svelte, active e san, specialmente con movimento in aere fresc.

Con un pur, i. e. con alimento crude de 100 %, maximal resultatos sportive, como marathon, es possibile mesmo plus facile.

Isto enoia le sagio de iste mundo, toto grande es simple! (Johann Wolfgang von Goethe, 1747-1832)


Que effectua un cambiamento del nutrition?

- Melioration del benesser, activitate e sanitate

- Reinfortiamento del systema immun / curation de allergias

- Discarga del systema de digestion / melior evacuation del feces (med. dejection)

- Reduction del peso sin haber fame

- Protection de maladias que es dependente del nutrition como hypertension, cancere, rheumatismo, gutta/arthritis

- Fame devorante/fame de lupo, mangiar troppo e sentimento de esser super-satiate

- Liberation de focar e tabellas...


De ubi recipe io mi proteina?

Le plus grande numero de plantas, excepte le nuces e semines, ha un quota de proteina de circa 2 %, tanto quanto le lacte materne. Iste relativemente parve quota de proteina suffice mesmo durante le phase de crescentia major del homine. Un baby reduplica su peso intra de alicun menses solmente per lacte materne!

Le copertura del besonio de proteina – illo es con homines que mangia un grande parte crude, e con mangiatores de crude pur plus basso como usual supponite – es garantite in cata caso.

In plus vos adduce proteina native (i. e. non calefacite) de alte valor. In cucumbres, bananas, avocados, nuces, pepitas de helianthos, germines de cicere e certe fabas/phaseolos es p. ex. continite tote le aminoacidos. Un problema de sanitate non es causate per le basse provision de proteina ma per le super-consumo de proteina animal denaturate!


Como coperi io mi besonio de calcium?

Tabellas de vitaminas e materia de minerales face nulle differentia inter morte nutrimento calefacite e vive alimento crude natural.

Tanto minus es differentiate inter minerales organic necesse pro le vita e minerales insolubile inorganic, le quales se deposita in le circulation de sanguine (arteriosclerosis), in le articulationes e in le texito o illos se pote condensar a in petras.

Con viveres non-calefacite vos provide vos corpore optimal con minerales organic de alte valor le quales le corpore pote utilisar. Per isto vos besonio de minerales es reducite!

Ric de calcium organic, specialmente herbas salvage, tote le plantas con folios verde e semines germinate (illos provide, inter altes, anque multo ferro!)), sesam molite, dattilos, ficos e amandolas.

Vos provision con calcium e altere materias organic es anque optimalmente garantite per un alte quota de alimento crude. Con un modo de viver conscie vos va evitar robatores de vitaminas e materias mineral como sucro, farina blanc o caffe.

Que pensa vos, de ubi elephantes recipe lor calcium, proteina o vitamina B12? (Illos mange solmente alimento crude!)


Como profita le animales e le ambiente?

Quanto plus alto vos quota de alimento crude es tanto minus vos prende parte in le dissipation de aqua e energia per le agricultura e le industria de nutrimento.

Pro le production de un beefsteak – ab le nutrimento pro le bove al platto – circa 20'000 litros aqua es necesse, contra isto solmente 100 litros pro le quantitate adequate de patats!

Con un consumo reducite de productos animal vos anque es minus participate al tortura de animales e al destruction del ambiente (p. ex. nitrato in le aqua subterranee – liquido fetide – acidification del solo – morir del foreste).

Vos anque besonia minus medios chimic pro lavar e mundification, e vos produce minus immunditias. Anque le consumo de electricitate es reducite.


Ha le plus alte quota de alimento crude effecto al fame in le mundo?

Medios de forrage pro animales sovente es importate de paises ubi regna povressa e fame.

Le bestial del riccos mangia le pan del povre!

In Germania e in altere statos industrial circa duo tertios del recolta de cereales annual es alimentate a animales. Pro le production de 1 kg carne de bove p. ex. es besoniate 10 kg cereales. Pro le quantitate de carne de un Hamburger circa 700 gramma de frumento debe esser alimentate.

De isto on poterea cocer un pan integral de plus que un kilogramma.

In forma de cereales germinate on reciperea mesmo le triple a quadrupole quantitate de alimento!

Con nutrition vegetal partialmente crude o pur crude, troppo plus homines poterea alimentate maximal.

Mangiar alimento crude protege le sanitate proprie, le animales e le terra.


E il functiona assi simple!

Selige vos lo que vos gusta. Vos essera stupefacite como multiplice es le viveres vegetal que gusta deliciose mangiate crude!

Le base naturalmente es fructos matur, anque fructos siccate, lactuca verde fresc e legumines del saison, le melio naturalmente si cultivate biologicamente controllate con pauc carga de materias chimic.

In plus, se recommenda herbas fresc e herbas salvage, semines germinate(*) de vos mesme, semine, nuces, amandolas, avocados e olivas.

(*) Per le processo del germination acidos es degradate e le contento de vitaminas, materias mineral, enzymas es multiplicate.

Vos anque pote produce, conforme al alimento crude: sauces, suppas, pan, tortas, confecto, gelato e altere specialitates (vide libros de recepta).

Aceto, sal e condimento acre vos deberea usar paucissimo.

Masticar a fundo garanti optimal exploitation del viveres.

“Lassa vos nutrimento assi natural como possibile!” (prof. dr. med. Kollath, medico e recercator de nutrition, 1892 – 1970)


Como comencia io?

Le melior es, si vos vos re-arrangia pauco a pauco durante septimanas o multe menses, durante que vos augmenta successivemente le quota quotidian del alimento crude, dependente de vos sentimento.

In omni caso vos deberea mangiar primo le alimento crude, que es ric de enzymas e plus facile a digere, sempre ante le nutrimento calefacite.

Fructos es multo plus bon digeribile mangiate sol e a un stomacho vacue.

Si vos disscorifica e disintoxica troppo forte, o si vos non plus vole reducer vos peso, pois vos altia le quota de legumines o de grasso (fructos de grasso).

Ante le cambiamento al alimento crude pur il es consiliabile a jejunar alicun dies sub instruction, perque le nutrimento natural ha un forte effecto purgative e curative. Illo age disscorificante, disintoxicante, disacidificante.

Similar como con le privation de nicotina o de alcohol, il pote surge reactiones de purgation.

Vos pote trovar adjuta per circulos de alimento crude e foros (vide revistas e sitos de internet).


Importantissimo: Movimento regular/periodic - illo supporta le alimento crude!

Sin movimento regular/periodic le alimento crude solmente pote disveloppar un parte de su fortia.

Movimento – ir/marchar vigorose, currer/jogging legier, gymnastica etc. - adjuta al corpore segregar plus veloce e plus radical le toxic materias nocive dissolvite per le alimento crude, specialmente per le herbas salvage.

Movimento impelle le circulation del sanguine, promove/activa le segregation super le systema lymphatic e super le pelle in forma de sudor e super le aere de respiration in forma de dioxydo de carbon.

Movimento adjuta a mantener respectivemente (re)construer le substantia del musculos nam propriemente ya solmente deberea reducite le grassia excedente.


Como pote io informar me?

In tanto que io sape, in internet non existe altere informationes como le articulos a iste sito mie. Anque de literatura imprimite in interlingua io sape nihil. Un posta electronic al autor esserea un possibilitate pro plus informationes.

-.-

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Altere sitos de Wikia

Wiki aleatori