Wikia

Interlingua Wiki

Le Crucifixo contra le Ovo de Pascha

Discussion3
9 804paginas in
iste wiki
Cruce cunilio ovo.png

Le Crucifixo contra le Ovo de Pascha

Robert W. Tracinski

Durante le Pascha, le mixtura de lo benevolente e lo terribile revela le antagonismo inter le religion e le vita human.

Pro le plus grande parte del personas qui los celebra, le Pascha e le Septimana Sancte passara sin considerationes super lor traditiones e significato, que on presuppone cognoscite.

On rememora le Pascha como un celebration partialmente agradabile e gaudiose. Totevia, on anque rememora lo como un festa religiose - on associa parte del atmosphera benevolente del Pascha a su message religiose. Isto es un profunde error.

Le festas del Pascha presenta, de facto, un enorme contradiction: le choc grottesc del celebration secular del felicitate miscite con le adoration religiose al suffrentia. Il es tempore pro comprender le ver significato de iste festivitate - e questionar le message de autosacrificio que illo sempre transmitteva.

Le parte le plus agradabile del Pascha es su latere secular - le festa no de Jesus, mais del Cunilio del Pascha. Familias e amicos reassembla se, vestite per su melior vestimentos e frue de regalos familial; le infantes enthusiasmate participa de jocos de chassa-thesauro in le quales illes trova ovos de colores brillante e corbettas plen de chocolate. Le ambiente de iste celebration es de joiose benevolentia.

Nonobstante, iste traditiones non habe qualcunque fundamento in le senso religiose del Septimana Sancte; illos son, vermente, un hereditage del epocha prechristian. Le parola "Easter" (Pascha in anglese) proveni del nomine anglo-saxone de un dea que personificava le primavera. Le parola Pascha proveni del hebraic "pesach" que anque nominava le festa del primavera del pastores nomade, in le epocha premosaic. Il esseva iste festa prechristian que nos ha date le Cunilio del Pascha, un symbolo del fertilitate, e le Ovos del Pascha, cuje marcas brillante representa le colores del retorno del sol. Le Pascha original celebrava le retorno del calor del lumine solar e del folios verde post le longe hiberno.

Illo esseva un celebration del gaudio pro viver in le terra. Como le prime missionarios christian essayava converter paganos, illes permitteva istes de mantener le festa, mais introduceva un senso totalmente opposite in le ceremonias.

Le message religiose inserite in le Pascha es le historia del crucification de Jesus e su resurrection del mortos. Le essentia de iste historia non es le gaudio de viver, mais le adoration del suffrentia e del autosacrificio. Totes nos es peccatores, secundo le christianismo, e Jesus seligeva suffrer le morte lente e agonisante de un crucification pro redimer nostre peccatos. Nostre proposito moral, on dice, deberea esser sequer su exemplo. Assi, le heroe del moral christian – le sancto – es le persona qui renuncia a tote su interesses e valores personal.

A fin que on percipe le significato de iste message, considera su effecto super un puero sedite in le ecclesia, le matino del dominica de Pascha. Le puero forsan possede alcun cosas que ille vallorisa – un bicycletta, un joculo favorite, un libro –, mais le sermon le dice que Jesus renunciava al benes material e que ille seligeva viver in le povressa. Le puero forsan ancora non sape qual carriera ille seligera – pro exemplo, crear un negotio o devenir un interprenditor de alte technologia –, mais on insenia a ille que Jesus non dedicava se a su proprie propositos e interesses egoistic, mais si al mission que Deo le attribueva in despecto de que isto resultarea in su suffrentia e morte. Si le puero jam habe sufficiente etate pro comenciar a pensar a pueras, on le dice que Jesus esseva pur proque ille rejectava le tentation "peccaminose" del sexo. E, si le juvene comencia a questionar le cosas que on le insenia, on le rememora que Christo, justo ante le crucification, renunciava a su dubitas e poneva su vita in le manos de Deo.

Le christianismo insenia que on debe considerar como peccato tote le valores que face le vita valer le pena: su possessiones, su carriera, su corpore, su mente independente. E durante tote le tempore, illustrante iste message, ecce le figura omnipresente del Christo al cruce. Iste es le ver symbolo del message religiose del Septimana Sancte: nulle cunilietto de chocolate, ni gambon fumate, ni ovos de Pascha – ma le corpore mutilate de un homine clavate a un cruce, le sanguine fluente de su vulneres, lacrimas stillante al facie, spinas inclavate al fronte. Illo es le symbolo ultimate del sacrificio.

Le majoritate del personas accepta iste ideal, no solo como le ben, ma como synonimo de moralitate. Es illo, vermente?

Nos debe questionar un philosophia moral que nos demanda de trovar valor in le destruction del cosas que nos valorisa. Nos debe rejectar le adoration del sacrificio in favor de un moralitate basate super le complimento de valores: tal moralitate deberea haber como su ideal non le morte al cruce ma un carriera productive, un relation romantic plen e intense, e un mente independente. Il esserea un moralitate basate sur le recerca del successo e del felicitate in iste mundo.

Il esserea un moralitate que inseniarea a nos, secundo le parolas del philosopha Ayn Rand, "no suffrer e morir, ma esser felice e viver".

Un moralitate de sacrificios o un moralitate de conquestas – isto es lo que representa, durante le Pascha, le symbolos opposite del crucifixo e del ovo de Pascha. Nos debe decider qual symbolo – e qual ideal – nos seligera pro viver o morir.

+++

Robert W. Tracinski esseva scriptor senior del Instituto Ayn Rand desde 1997 usque a 2004. Le instituto promove le Objectivismo, le philosophia de Ayn Rand – autora de "Atlas Shrugged" e "The Fountainhead".

Traducite in Interlingua per Geraldo Boz Junior

(gratias a Josu Lavin pro su correctiones)

Altere sitos de Wikia

Wiki aleatori