FANDOM


Le corpore human Modificar

Si nos vide nostre fratres e sorores del mundo, nos pote observar que (ben que differentias evidentemente existe) nos es multissimo simile. Primo, nos pote vider que le esseres human ha: le capite, connectite al busto per medio del collo, le artos superior e los inferior. Mais si nos reguarda con plus attention, nos videra multissime altere particulares importante.

Le capite Modificar

Le capite es forsan le parte le plus interessante del corpore human: illo nos permitte de recognoscer nostre amicos, mais super toto illo nos da le conscientia del sentimentos del alteres per medio del expressiones de lor facie. Vos totes sape que vostre amico es triste si ille plora o que vostre amica es felice si illa ride, nonne? O que si vos es timide, vostre genas rubeface...

Vos totes es unic, proque cata un de vos ha su proprie forma de visage e attributos que vos rende differente de qualcunque altere persona (si vos non es geminos homozygotic).

In effecto, cata un de nos ha su proprie capillos, que pote esser lisie o buclate e de varie colores (nigre, brun, rubie, blonde); su proprie oculos, que pote esser de differente formas (grande, parve, a amandola, etc.) e colores (nigre, brun, azur, verde). Sin contar que nos ha equalmente naso, auriculas, bucca, dentes differente e que determina nostre aspecto exterior. Contra lo que vos pote pensar, equalmente le lingua pote differer!

In plus nos vide differentias inter le masculos e le feminas: sovente le feminas ha bellissime capillos longe, e del altere latere alcun masculos, como me, ama rasar completemente le capite (e vos dice que io es calve). Multe homines adulte ha le barba o le mustachios (o ambes), e le feminas cura multo lor cilios e supercilios e lor labios.

Le arto superior Modificar

Iste parte del corpore es multo importante, proque illo nos permitte de facer laboros interessante. Illo se attacha al busto per medio del spatula e ha duo junctiones que permitte de facer movimentos complexe: le cubito, que uni le bracio al antebracio e le carpo, que uni le antebracio al mano.

Le mano Modificar

Justo, le mano... Illo nos interessa particularmente proque, ultra a facer nos possibile cumpler movimentos de precision, illo nos servi pro salutar le gente e jocar.

Cata mano possede cinque digitos de differente longessa (quasi como cinque fratres e sorores de differente etate): pollice, indice, medie, anular e auricular. Cata digito es coperite in su parte terminal con le ungula, que nos debe de vice in vice taliar proque alteremente illos se immunda o pote lacerar qualcuno sin voluntate.

Le arto inferior Modificar

Gratias al artos inferior nos pote ambular e currer, jocar a footbal e a musca cec.

Illos se connecte al busto per le hanca e ha, como le artos inferior, duo punctos flessibile: le geniculo que junge le coxa al gamba, e le cavilia que permitte le flession inter gamba e pede.

Le pede Modificar

Le pede ha un forma que resimila le mano: illo ha cinque digitos (de altessa plus regular) que se appella al mesme maniera. Le parte que se oppone al digitos, se appella talon e illo es multo famose pro le legenda del talon de Achilles.

Le busto Modificar

Le busto es le parte central del corpore human. Illo es importante proque contine a su interior le organos vital, como le corde (que nos servi como motor pro le sanguine e pro amar), le pulmones (que nos servi pro respirar), le stomacho e le hepate (le quales nos servi pro digerer le alimentos).

In le parte anterior del busto, nos pote vider le pectore e le abdomine (ubi le umbilico splende super nostre ventre como le sol in le celo).

In le parte posterior, le dorso, nos intervide le columna vertebral que es importante proque illo sustene como un ver columna tote le peso del skeleto.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Altere sitos de Wikia

Wiki aleatori