FANDOM


INTERLINGUA ROMANICA


MANIFESTO PRO LE COMPATRIOTISMO PLANETARI


“Multes del vetule traditiones e ideas
que le humanitate ha hereditate
non plus es relevante
pro le realitates actual
e le opportunitates futur.”


(Manifesto Humanista 2000)


Secundo le principio que le concepto currente de patria necessita esser ampliate, o melio, transcendite si le relationes inter le habitantes del planeta debe attinger un nivello plus alte que le actual, favoriente le effective consolidation del ligamines cultural e socioeconomic inter le populos e le nationes, lo que assecura un vermente durabile pace universal, nos accepta e propone le sequente elementos basic de iste renovation del pensamento civilisate. Assi que nos emphaticamente sustene que:


I – Le planeta terra es le patria commun de tote le esseres human.


II – Le humanitate es un sol familia.


III – Supra le conception traditional de patriotismo – compromisso del individuo con “su” pais (de origine o adoptate) – debe levar se le notion moderne del COMPATRIOTISMO PLANETARI, que consistera:


primo, de un sentimento de fraterne identification inter personas, non importante si iste non “pertine” al mesme pais que aquelle;


secundo, del conscientia que le propagation e le disveloppamento de un tal sentimento debe esser le scopo principal de tote le citatanos qui desira del fundo del corde vider constituite un communitate mundial – un PATRIA SIN FRONTIERAS, non official sed real e multo amate per su adherentes – cuje insimul de valores debe assecurar le construction de un mundo melior e plus juste.


IV – Le adhesion a iste PATRIA SIN FRONTIERAS debera esser absolutemente voluntari e spontanee, non jammais fortiate, post que nos considera que illo es un question supra toto de sentimento e de conscientia.


V – Intra le PATRIA SIN FRONTIERAS le communication (oral e/o scripte) essera extraordinarimente facilitate, viste que, ultra le plurime idiomas national que a ibi essera admittite, conforme al nationalitates del adherentes, on disponera de un lingua auxiliar neutre, basate sur le lexico international (INTERLEXICO) e regulate per un grammatica facile a apprender e a inseniar.


§ unic – Le rolo de iste lingua neutre auxiliar potera esser equalmente jocate e per Interlingua e per Romanica, virtual dialectos del Neolatino o Latino Moderne, practicamente intercambiabile sin ulle damno al mutue comprension del parlantes / scribentes.


Signatarios del Manifesto pro le Compatriotismo Planetari:

Lavin, Josu

Marcon, Claudio

Morin, Pierre

Ramalho, Leonardo

Santos, Carlos Alberto

Zani, Bruno

Rosario, Gerson ...

EDITA LE PAGINA E ADDE TU NOMINE!!!

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Altere sitos de Wikia

Wiki aleatori